યુરોપની પ્રાઇવસી પોલિસી

(અગાઉની આવૃત્તિ⁠)

યુરોપિયન ઇકોનોમિક એરિયા, યુનાઇટેડ કિંગડમ અને સ્વિટ્ઝર્લૅન્ડની બહાર રહેતા લોકો માટે, તમે અમારી પ્રાઇવસી પોલિસીનું આ સંસ્કરણ્⁠ વાંચી શકો છો.

OpenAI ખાતે, અમારું મિશન એ સુનિશ્ચિત કરવાનું છે કે આર્ટિફિશિયલ જનરલ ઇન્ટેલિજન્સ દરેકને લાભ આપે. અમે લોકોને શીખવામાં, સર્જન કરવામાં અને સમસ્યાઓ ઉકેલવામાં મદદ કરવા માટે ChatGPT જેવા ટૂલ્સ બનાવીએ છીએ. અમે OpenAI (અમારી સંલગ્ન સંસ્થા સાથે મળીને “OpenAI”, “અમે”, “અમારા” અથવા “અમને”) તમારી પ્રાઇવસીનું સન્માન કરવા માટે પ્રતિબદ્ધ છીએ તથા તમારી પાસેથી અથવા તમારા વિશે મેળવેલી કોઈપણ માહિતીને સુરક્ષિત રાખવા માટે દૃઢતાપૂર્વક પ્રતિબદ્ધ છીએ. આ પ્રાઇવસી પોલિસી વર્ણન કરવામાં આવેલ છે કે જ્યારે તમે અમારી વેબસાઇટ, એપ્લિકેશન્સ અને સેવા (સામૂહિક રીતે, “સેવા”) નો ઉપયોગ કરો છો ત્યારે અમે તમારી પાસેથી અથવા તમારા વિશે એકત્રિત કરેલા વ્યક્તિગત ડેટા સાથે અમારી પ્રથા અને તેનો ઉપયોગ કેવી રીતે કરીએ છીએ. 

આ પ્રાઇવસી પોલિસી એવા વિષય-સામગ્રી પર લાગુ પડતી નથી કે જેની પ્રક્રિયા અમે અમારા બિઝનેસ દ્વારા ઓફર કરાતા ગ્રાહકો વતી કરીએ છીએ, જેમ કે અમારા API. અમારા દ્વારા તે ડેટાનો ઉપયોગ અમારા ગ્રાહક સમજૂતી દ્વારા સંચાલિત થાય છે કે જે એવી ઓફરના પ્રવેશ અને ઉપયોગને આવરી લે છે.

ChatGPT અને અન્ય સેવાઓને સંચાલિત કરતા અમારા ભાષા મોડલ વિકસાવવા અમે તાલીમ માહિતી કેવી રીતે એકત્રિત અને ઉપયોગ કરી છીએ તથા તે માહિતીના સંદર્ભમાં તમારી પસંદગી વિશેની માહિતી માટે કૃપા કરી આ નીતિ તેમજ આ હેલ્પ સેન્ટર લેખ⁠(નવી વિન્ડોમાં ખૂલે છે) જુઓ.

અમે નીચે પ્રમાણે તમારી સાથે સંકળાયેલ સંબંધિત વ્યક્તિગત ડેટા (“વ્યક્તિગત ડેટા”) એકત્રિત કરીએ છીએ:

તમે પૂરો પાડો છો તે વ્યક્તિગત ડેટા: જો તમે અમારી સેવાઓનો ઉપયોગ કરવા માટે એકાઉન્ટ બનાવો છો અથવા અમારી સાથે વાતચીત કરો છો તો અમે વ્યક્તિગત ડેટા એકત્રિત કરીએ છીએ, જેમ કે નીચે પ્રમાણે છે:

• એકાઉન્ટ માહિતી: જ્યારે તમે અમારી સાથે એકાઉન્ટ બનાવો છો ત્યારે અમે તમારા એકાઉન્ટ સાથે સંકળાયેલી માહિતી એકત્રિત કરીશું, જેમાં તમારું નામ, સંપર્ક માહિતી, એકાઉન્ટ ક્રિડેન્શિયલ, જન્મ તારીખ, ચુકવણીની માહિતી અને વ્યવહાર ઇતિહાસ (સામૂહિક રીતે, "એકાઉન્ટ માહિતી") વગેરેનો સમાવેશ થાય છે. અમારી કેટલીક સેવાઓ તમને તમારી એકાઉન્ટ માહિતીના ભાગરૂપે પ્રોફાઇલ તસવીર, વપરાશકર્તાનું નામ અથવા અન્ય માહિતી અપલોડ કરવાની મંજૂરી પણ આપી શકે છે. 

• વપરાશકર્તા કન્ટેન્ટ: અમે વ્યક્તિગત ડેટા એકત્રિત કરીએ છીએ જે તમે અમારી સેવાઓના ઇનપુટમાં પ્રદાન કરો છો (“કન્ટેન્ટ”), જેમાં તમારા પ્રોમ્પ્ટ અને તમે અપલોડ કરેલું અન્ય કન્ટેન્ટ, જેમ કે ફાઇલો⁠(નવી વિન્ડોમાં ખૂલે છે), છબીઓ⁠(નવી વિન્ડોમાં ખૂલે છે), ઓડિયો અને વિડિયો⁠(નવી વિન્ડોમાં ખૂલે છે) અને તમે જે સુવિધાઓનો ઉપયોગ કરો છો તેના આધારે જોડાયેલ સેવાઓ⁠(નવી વિન્ડોમાં ખૂલે છે)માંથી મેળવેલા ડેટાનો સમાવેશ થાય છે. અમારી કેટલીક સેવા તમને અન્ય વપરાશકર્તા સાથે ક્રિયા-પ્રતિક્રિયા કરવાની મંજૂરી આપે છે, જેમ કે પોસ્ટ કરવી, ટિપ્પણી કરવી અથવા સંદેશા મોકલવા અને અમે તે ક્રિયાપ્રતિક્રિયાને પણ કન્ટેન્ટ તરીકે ગણીએ છીએ.

• સંદેશાવ્યવહારની માહિતી: જો તમે અમારી સાથે વાતચીત કરો છો, જેમ કે ઇમેઇલ અથવા અમારા સોશિયલ મીડિયા સાઇટ્સના પેજ પર તો અમે તમારો વ્યક્તિગત ડેટા, જેમ કે તમારું નામ, સંપર્ક માહિતી અને તમે મોકલેલા સંદેશાની વિષય-સામગ્રી ("સંદેશાવ્યવહાર માહિતી") એકત્રિત કરી શકીએ છીએ.

• સંપર્ક ડેટા: જો તમે તમારા ઉપકરણના સંપર્કોને જોડવાનું પસંદ કરો છો તો અમે તમારા ઉપકરણની એડ્રેસ બુકમાંથી માહિતી અપલોડ કરીએ છીએ અને તપાસીએ છીએ કે તમારા કયા સંપર્ક અમારી સેવાનો પણ ઉપયોગ કરે છે. જો તમારા કોઈપણ સંપર્કો હજુ અમારી સેવાનો ઉપયોગ કરતા નથી તો તેઓ ત્યારબાદથી અમારી સેવા માટે સાઇન અપ કરે ત્યારે અમે તમને અપડેટ કરશું. વધુ જાણો⁠(નવી વિન્ડોમાં ખૂલે છે) તમારા સંપર્કોને કેવી રીતે જોડવા અને અમે અમારી સેવાનો ઉપયોગ ન કરતા લોકોની અપલોડ કરેલી સંપર્ક માહિતીનો કેવી રીતે ઉપયોગ કરીએ છીએ⁠(નવી વિન્ડોમાં ખૂલે છે) તે વિશે.

• તમે પૂરી પાડો છો તે અન્ય માહિતી: અમે અન્ય માહિતી એકત્રિત કરી છીએ જે તમે અમને પૂરી પાડો છો, જેમ કે જ્યારે તમે અમારા ઇવેન્ટ્સ અથવા સર્વેક્ષણોમાં ભાગ લો છો અથવા જ્યારે તમે અમને અથવા અમારા વતી કાર્યરત વિક્રેતાને તમારી ઓળખ અથવા ઉંમર સ્થાપિત કરવા માહિતી પૂરી પાડો છો (સામૂહિક રીતે “તમે પૂરી પાડો છો તે અન્ય માહિતી”).

સેવાના ઉપયોગથી અમને મળતા વ્યક્તિગત ડેટા: જ્યારે તમે સેાની મુલાકાત લો છો,તેનો ઉપયોગ કરો છો અથવા તો તેની સાથે ક્રિયાપ્રતિક્રિયા કરો છો ત્યારે અમને તમારી મુલાકાત, ઉપયોગ અથવા ક્રિયાપ્રતિક્રિયા વિશે નીચે પ્રમાણેની માહિતી મળે છે:

• લોગ ડેટા: જ્યારે તમે અમારી સેવાઓનો ઉપયોગ કરો છો ત્યારે તમારું બ્રાઉઝર અથવા ઉપકરણ આપમેળે જે માહિતી મોકલે છે, તે માહિતી અમે એકત્રિત કરીએ છીએ. લોગ ડેટામાં તમારું ઇન્ટરનેટ પ્રોટોકોલ સરનામું, બ્રાઉઝરનો પ્રકાર અને સેટિંગ્સ, તમારી વિનંતીની તારીખ અને સમય અને તમે અમારી સેવાઓ સાથે કેવી રીતે ક્રિયાપ્રતિક્રિયા કરો છો તે શામેલ છે. 

• ઉપયોગ ડેટા: અમે સેવામાં તમારા ઉપયોગ અને પ્રવૃતિ વિશેની માહિતી એકત્રિત કરીએ છીએ, જેમ કે તમે જે પ્રકારના કન્ટેન્ટને જુઓ છો અથવા જોડાયેલા રહો છો, તમે જે સુવિધાનો ઉપયોગ કરો છો અને તમે જે કાર્યો કરો છો, જ્યારે તમે મોડલ પ્રતિભાવ માટે પ્રતિભાવ સબમિટ કરો છો તમે જેમની સાથે ક્રિયા-પ્રતિક્રિયા કરો છો તે લોકો, તેમજ તમારો સમય ઝોન, દેશ, ઍક્સેસની તારીખો અને સમય, વપરાશકર્તા એજન્ટ અને સંસ્કરણ, કોમ્પ્યુટર અથવા મોબાઇલ ડિવાઇસનો પ્રકાર અને તમારું કોમ્પ્યુટર જોડાણ. Free⁠(નવી વિન્ડોમાં ખૂલે છે) અને Go⁠(નવી વિન્ડોમાં ખૂલે છે) વપરાશકર્તાઓ માટે, અમે તમારા જાહેરાત ઇતિહાસ અને રસો વિશે માહિતી પણ એકત્રિત કરીએ છીએ, જેમ કે તમે જે પ્રકારના જાહેરાત કન્ટેન્ટને જુઓ છો અથવા તેમાં જોડાયેલા છો. જો તમે ઇન-ઍપ બ્રાઉઝરનો ઉપયોગ કરો, તો અમે તમારા નિયંત્રણો અને સેવાના ઉપયોગ મુજબ તમારું બ્રાઉઝર ડેટા પણ એકત્રિત કરી શકીએ છીએ.  

• ઉપકરણની માહિતી: અમે સર્વિસીસને ઍક્સેસ કરવા માટે તમે જે ઉપકરણનો ઉપયોગ કરો છો તેની માહિતી એકત્રિત કરીએ છીએ, જેમ કે ઉપકરણનું નામ, ઓપરેટિંગ સિસ્ટમ, ઉપકરણ આઇડેન્ટીફાયર્સ, અને તમે કયો બ્રાઉઝરનો ઉપયોગ કરી રહ્યા છો. એકત્રિત કરવામાં આવેલી માહિતી ઉપકરણના પ્રકાર અને તેના સેટિંગ્સ પર આધારિત છે કે જેનો તમે ઉપયોગ કરો છો.

• સ્થળ માહિતી: અમે સુરક્ષાના કારણોથી અને તમારા પ્રોડક્ટને લગતા અનુભવને વધુ સારા બનાવવા માટે જેમ કે અસામાન્ય લોગિન પ્રવૃત્તિની ઓળખ કરી તમારા એકાઉન્ટને સુરક્ષિત રાખવા અથવા વધુ સચોટ જવાબો આપવા માટે આઈપી એડ્રેસ જેવી માહિતીના આધારે તમારા ઉપકરણ દ્વારા અમારી સેવાને કયા સામાન્ય વિસ્તારમાંથી ઍક્સેસ કરવામાં આવે છે તે નક્કી કરી છીએ. આ ઉપરાંત અમુક સેવા તમને તમારા ઉપકરણમાંથી વધુ ચોક્કસ સ્થાન સંબંધિત માહિતીને પસંદ કરવાની મંજૂરી આપે છે, જેમ કે તમારા ઉપકરણના જીપીએસમાંથી સ્થાન માહિતી.

• કૂકીઝ અને સમાન ટેક્નોલોજીસ: અમે સેવાનું સંચાલન અને વહિવટ કરવા તથા તમારા અનુભવને સુધારવા માટે કૂકીઝ અને સમાન ટેક્નોલોજીનો ઉપયોગ કરી છીએ. અમે આ નીતિમાં વર્ણન કરેલ કેટલીક માહિતીને કૂકીઝ વડે સંગ્રહિત કરીએ છીએ, ઉદાહરણ તરીકે જો તમે લોગ ઇન ન હોય તો સત્રો દરમિયાન તમારી પસંદગી જાળવી રાખવામાં મદદ કરવા માટે અથવા પ્રમાણિકરણ અને ગ્રાહક સહાયમાં મદદ કરવા માટે. અમારી કૂકીઝના ઉપયોગ વિશેની વિગતો માટે કૃપા કરી અમારી કૂકીને લગતી નોટિસ⁠ વાંચો.

અન્ય સ્ત્રોતોમાંથી પ્રાપ્ત માહિતી: અમે અન્ય સ્ત્રોતોમાંથી માહિતી પ્રાપ્ત કરીએ છીએ, જેમ કે અમારા વિશ્વસનીય સુરક્ષા અને સલામતી ભાગીદારો પાસેથી કે જે સલામતીનું રક્ષણ કરવા અને છેતરપિંડી, દુરુપયોગ અને અન્ય જોખમોને અટકાવવા મદદ કરે છે અને માર્કેટિંગ વિક્રેતા પાસેથી કે જે અમને અમારી બિઝનેસ સેવાના સંભવિત ગ્રાહકો વિશે માહિતી આપે છે.

અમને જાહેરાતદાતાઓ અને અન્ય ડેટા ભાગીદારો પાસેથી માહિતી પ્રાપ્ત થાય છે, જેનો ઉપયોગ અમે આ નીતિમાં વર્ણવેલા હેતુઓ માટે કરીએ છીએ, જેમાં અમારી સેવાઓની અસરકારકતાને માપવામાં અને સુધારવામાં મદદ મેળવવાનો સમાવેશ થાય છે, તેમજ અમારી સેવાઓ પર Free અને Go વપરાશકર્તાઓને વધુ સંબંધિત જાહેરાતો બતાવવામાં મદદ મેળવવાનો સમાવેશ થાય છે. ઉદાહરણ તરીકે, અમને આ જાહેરાતકર્તાઓ પાસેથી તમે કરેલી ખરીદીઓ વિશે માહિતી પ્રાપ્ત કરી શકીએ છીએ.

અમે અમારી સેવાનું યોગ્ય સંચાલન કરનારા મોડેલ્સ વિકસાવવા અન્ય સ્ત્રોતો પૈકી પણ માહિતી એકત્રિત કરીએ છીએ, જેમ કે ઇન્ટરનેટ પર જાહેર રીતે ઉપલબ્ધ હોય તેવી માહિતી. ChatGPT અને અન્ય સેવાઓને સંચાલિત કરતા મોડલ વિકસાવવા માટે ઉપયોગમાં લેવાયેલા માહિતીના સ્ત્રોતો વિશે વધુ માહિતી માટે કૃપા કરી આ સહાયતા કેન્દ્ર લેખ⁠(નવી વિન્ડોમાં ખૂલે છે) જુઓ.

અમે નીચે દર્શાવેલા ઉદ્દેશો માટે વ્યક્તિગત ડેટાનો ઉપયોગ કરીએ છીએ:

• અમારી સેવાઓ પૂરી પાડવા, વિશ્લેષણ કરવા અને જાળવવા માટે, ઉદાહરણ તરીકે ChatGPT માટે તમારા પ્રશ્નોના જવાબ આપવા માટે;

• અમારી સેવાને સુધારવા અને વિકસાવવા અને સંશોધન કરવા માટે, ઉદાહરણ તરીકે નવી સુવિધા વિકસાવવા;

• અમારી સેવામાં તમારા અનુભવને વ્યક્તિગત અને કસ્ટમાઇઝ કરવા માટે ઉદાહરણ તરીકે તમને વધુ સંબંધિત વિષય-સામગ્રી પૂરી પાડવા માટે;

• Free અને Go વપરાશકર્તાઓ માટે, જ્યાં સુધી તે તમને ઉપલબ્ધ હોય ત્યાં સુધી, અમારી સેવાઓ પર તમે જે જાહેરાતો જુઓ છો તેને વ્યક્તિગત બનાવવા માટે (તમારી પસંદગીઓ અને નિયંત્રણોને આધીન) અને અમારી સેવાઓ પર દર્શાવવામાં આવતી જાહેરાતોની અસરકારકતાને માપવા માટે. અમારી સેવાઓ પરની જાહેરાતો વિશે વધુ જાણો⁠(નવી વિન્ડોમાં ખૂલે છે);

• અમારી સેવાઓ અને ઇવેન્ટ્સ વિષેની માહિતી તમને મોકલવા સહિત તમારા પ્રશ્નોના જવાબ આપવા સહિત, તમારી સાથે વાતચીત કરવા માટે, ઉદાહરણ તરીકે સેવાઓમાં ફેરફારો કે સુધારા વિષે;

• જ્યારે તમે તમારા સંપર્કોને જોડવાનું પસંદ કરો છો ત્યારે અમારી સેવાનો ઉપયોગ કરતા તમારા સંપર્કોને ઓળખો અને જો તેઓ પછીથી અમારી સેવામાં જોડાય છે તો અમે તમને અપડેટ કરીશું;

• છેતરપિંડી, ગેરકાયદે પ્રવૃત્તિ અથવા અમારી સેવાના દુરુપયોગને અટકાવવા અને અમારી સિસ્ટમો અને સેવાની સુરક્ષાનું રક્ષણ કરવા માટે, જેમાં અમારા પ્લેટફોર્મ્સ પર સબમિટ કરાયેલ અથવા વિનિમય કરાયેલ કોઈપણ કન્ટેન્ટનું મોનિટરિંગ કરીને પણ (અહીં⁠વધારે જાણકારી મેળવો); અને

• કાયદાકીય જવાબદારીનું પાલન કરવા અને અમારા વપરાશકર્તા, OpenAI, અથવા ત્રીજા પક્ષકારોના અધિકારો, ગોપનીયતા, સલામતી, અથવા મિલકતનું રક્ષણ કરવા માટે ઉદાહરણ તરીકે, તમને અથવા અન્યને નુકસાન થતું અટકાવવા માટે અથવા તમને વય-યોગ્ય અનુભવ આપવા માટે તમારી ઉંમરનો અંદાજ લગાવવા માટે.

અમે વ્યક્તિગત ડેટાને એકત્રિત અથવા બિન-ઓળખાય તે રીતે બનાવી શકીએ છીએ જેથી તે તમારી ઓળખ જાહેર ન કરી શકે અને ઉપરોક્ત ઉદ્દેશ્યો માટે આ માહિતીનો ઉપયોગ કરીએ છીએ, જેમ કે અમારી સેવા કેવી રીતે ઉપયોગમાં લેવાય છે તે વિશ્લેષણ કરવા, સુધારવા અને તેમાં વિશેષતા ઉમેરવા અને સંશોધન કરવા. અમે ઓળખ દૂર કરેલી માહિતીને ઓળખ દૂર કરેલા સ્વરૂપમાં જ જાળવીશું અને તેનો તે રીતે જ ઉપયોગ કરીશું અને કાયદા દ્વારા જરૂરી ન હોય ત્યાં સુધી માહિતીની ઓળખ ફરીથી મેળવવાનો પ્રયત્ન કરીશું નહીં.

ઉપર જણાવ્યા પ્રમાણે અમે અમારી સેવાને સુધારવા માટે તમે અમને પૂરી પાડેલી કન્ટેન્ટનો ઉપયોગ કરી શકી છીએ, ઉદાહરણ તરીકે ChatGPT ને શક્તિ આપતા મોડેલ્સને તાલીમ આપવા. અમારી સૂચના⁠(નવી વિન્ડોમાં ખૂલે છે) વાંચો કે તમે અમારા મોડેલ્સને તાલીમ આપવા માટે તમારા વિષય-સામગ્રીના ઉપયોગને કેવી રીતે નાપસંદ કરી શકો છો.

અમે નીચેના સંજોગોમાં તમારો વ્યક્તિગત ડેટા જાહેર કરીએ છીએ:

• વિક્રેતા અને સેવા પ્રદાતા: બિઝનેસ કામગીરીની જરૂરિયાતોને પૂરા કરવા અને અમુક સેવા અને કાર્યો કરવા માટે અમને સહાય કરવા માટે, અમે હોસ્ટિંગ સેવાઓના પ્રદાતા, ગ્રાહક સેવા વિક્રેતા, ક્લાઉડ સેવાઓ, કન્ટેન્ટ ડિલિવરી સેવા, સપોર્ટ અને સલામતી સેવા, ઇમેઇલ સંચાર સોફ્ટવેર, વેબ એનાલિટિક્સ સેવાઓ, ચુકવણી અને વ્યવહાર પ્રોસેસર્સ, શોધ અને ખરીદી પ્રદાતા અને માહિતી ટેકનોલોજી પ્રદાતાઓ સહિતના વિક્રેતા અને સેવા પ્રદાતાને વ્યક્તિગત ડેટા જાહેર કરીએ છીએ. અમે ઉંમર અને ઓળખની ચકાસણીમાં અમારી મદદ કરતા સેવા પ્રદાતા સાથે પણ કામ કરીએ છીએ, અને તમે અહીં વધુ જાણકારી મેળવી શકો છો⁠(નવી વિન્ડોમાં ખૂલે છે). અમારી સૂચના પ્રમાણે આ પક્ષો ફક્ત તેમની ફરજો નિભાવવા દરમિયાન વ્યક્તિગત ડેટાને ઍક્સેસ કરશે, પ્રક્રિયા કરશે અથવા સંગ્રહ કરશે.

• બિઝનેસ ટ્રાન્સફર: જો અમે વ્યૂહાત્મક વ્યવહારો, પુનઃગઠન, નાદારી, રિસિવરશીપ, અથવા અન્ય પ્રદાતાને સેવા ટ્રાન્ઝિટ કરવામાં (સામૂહિક રીતે, "ટ્રાન્ઝેક્શન") સામેલ હોઈએ તો તમારા વ્યક્તિગત ડેટા ટ્રાન્ઝેક્શનમાં મદદ કરનારા પ્રતિપક્ષો અને અન્ય પક્ષો સાથેની ખંતપૂર્વકની પ્રક્રિયામાં જાહેર કરી શકાય છે અને તે ટ્રાન્ઝેક્શનના ભાગરૂપે અનુગામી અથવા સંલગ્નને અન્ય મિલકતો સાથે ટ્રાન્સફર કરી શકાય છે.

• સરકારી સત્તાવાળાઓ અથવા અન્ય ત્રીા પક્ષો: અમે તમારા વ્યક્તિગત ડેટાને, જેમાં અમારી સેવાઓ સાથેની તમારી વાર્તાલાપ વિશેની માહિતીનો સમાવેશ થાય છે, કાયદાનું પાલન કરવા માટે સરકારી સત્તાવાળાઓ, ઉદ્યોગના સાથીદારો અથવા અન્ય ત્રીજા પક્ષો સાથે શેર કરી શકીએ છીએ (i) જો કાનૂની જવાબદારીનું પાલન કરવા માટે આવું કરવું જરૂરી હોય અથવા સદ્ભાવનાની માન્યતામાં કે આવી ક્રિયા કાનૂની જવાબદારીનું પાલન કરવા માટે જરૂરી છે (ii) અમારા અધિકારો અથવા મિલકતનું રક્ષણ કરવા અને બચાવ કરવા માટે (iii) જો અમે અમારી સંપૂર્ણ વિવેકબુદ્ધિથી નક્કી કરીએ કે અમારી શરતો, નીતિઓ, અથવા કાયદાનું ઉલ્લંઘન થયું છે; (iv) છેતરપિંડી અથવા અન્ય ગેરકાયદે પ્રવૃત્તિ શોધવા અથવા અટકાવવા; (v) અમારા ઉત્પાદનો, કર્મચારીઓ, વપરાશકર્તાઓ અથવા જાહેર જનતાની સલામતી, સુરક્ષા અને અખંડિતતાનું રક્ષણ કરવા માટે, અથવા (vi) કાનૂની જવાબદારી સામે રક્ષણ આપવા માટે.

• સંલગ્ન સંસ્થાઓ: અમે વ્યક્તિગત ડેટા અમારી સંલગ્ન સંસ્થાઓને જાહેર કરીએ છીએ, જેનો અર્થ એ છે કે OpenAIનું નિયંત્રણ કરનારી, OpenAI દ્વારા નિયંત્રિત અથવા OpenAI સાથે સામાન્ય નિયંત્રણ હેઠળની સંસ્થા. અમારા સંલગ્નો આ નીતિ સાથે સુસંગત રીતે આ વ્યક્તિગત ડેટાનો ઉપયોગ કરી શકે છે.

• બિઝનેસ અકાઉન્ટ સંચાલકો: જ્યારે તમે ChatGPT Enterprise અથવા બિઝનેસ અકાઉન્ટમાં જોડાઓ છો ત્યારે તે અકાઉન્ટના સંચાલકો તમારા OpenAI એકાઉન્ટને ઍક્સેસ અને નિયંત્રિત કરી શકે છે, જેમાં તેઓ તમારા વિષય-સામગ્રીને ઍક્સેસ કરી શકે છે. વધુમાં જો તમે તમારા નોકરી દાતા અથવા અન્ય સંસ્થાના ઇમેઇલ એડ્રેસનો ઉપયોગ કરીને એકાઉન્ટ બનાવો છો તો અમે તમારા નોકરી દાતા અથવા સંસ્થા સાથે તમે એકાઉન્ટ ધરાવતા હોવાની હકીકત અને તે એકાઉન્ટની અમુક માહિતી, જેમ કે તમારું ઇમેઇલ એડ્રેસ, શેર કરી શકીએ છીએ, ઉદાહરણ તરીકે તમને તેમના બિઝનેસ એકાઉન્ટમાં ઉમેરવા માટે સક્ષમ બનાવવા.

• કિશોરના માતા-પિતા અથવા વાલી: કિશોર વપરાશકર્તા અને તેમના માતા-પિતા અથવા વાલી તેમના એકાઉન્ટ્સને લિંક કરવાનું પસંદ કરી શકે છે, જેથી માતા-પિતા અથવા વાલી ચોક્કસ સેટિંગ્સ મેનેજ કરી શકે, અને જો અમે ગંભીર સુરક્ષા ચિંતા શોધીએ તો તેઓને એલર્ટ્સ મળી શકે. આ એકાઉન્ટ્સને કોઈપણ સમયે અનલિંક કરી શકાય છે. વધુ જાણકારી મેળવો⁠(નવી વિન્ડોમાં ખૂલે છે) એકાઉન્ટ લિંકિંગ વિશે.

• અન્ય વપરાશકર્તા અને તૃતીય પક્ષો સાથે તમારી ક્રિયા-પ્રતિક્રિયા અથવા માહિતી શેર કરવી: અમુક સેવાઓ તમને અન્ય વપરાશકર્તાઓ અથવા તૃતીય પક્ષો સાથે ક્રિયા-પ્રતિક્રિયા કરવા અથવા માહિતી શેર કરવાની મંજૂરી આપે છે. ઉદાહરણ તરીકે, તમે ChatGPT વાર્તાલાપો⁠(નવી વિન્ડોમાં ખૂલે છે) જેવા સામગ્રી શેર કરી શકો છો અથવા તૃતીય-પક્ષ શોધ⁠(નવી વિન્ડોમાં ખૂલે છે) અને ખરીદી⁠(નવી વિન્ડોમાં ખૂલે છે) ભાગીદારો સાથે માહિતી શેર કરી શકો છો. તમે તૃતીય પક્ષ ભાગીદારો સાથે જે માહિતી શેર કરો છો તે તેમની પોતાની શરતો અને પ્રાઇવસી પોલિસી દ્વારા સંચાલિત થાય છે અને તેમની સાથે માહિતી શેર કરતા પહેલાં તમારે ખાતરી કરવી જોઈએ કે તમે તે શરતો અને પોલિસીને સમજો છો.

અમે વ્યક્તિગત ડેટાને એકત્રિત અથવા બિન-ઓળખાય તે રીતે પણ બનાવી શકીએ છીએ જેથી તે હવે તમારી ઓળખ ન કરે અને તેને ઉપર વર્ણવેલ હેતુઓ માટે જેમ કે અમારી સેવા સુધારવામાં મદદ કરવા માટે, ત્રીજો પક્ષો સાથે શેર કરીએ છીએ.

અમે તમારા વ્યક્તિગત ડેટા ત્યા સુધી જ જાળવી રાખીશું કે જ્યા સુધી અમને તમને અમારી સેવાઓ પૂરી પાડવા માટે જરૂર છે અથવા અન્ય કાયદેસર બિઝનેસ હેતુ માટે જેમ કે વિવાદો ઉકેલવા, સલામતી અને સુરક્ષાના કારણો, અથવા અમારી કાનૂની જવાબદારીઓનું પાલન કરવા માટે. અમે વ્યક્તિગત ડેટા કેટલો સમય જાળવી રાખીએ છીએ તે ડેટાના પ્રકાર તેનો ઉપયોગ કેવી રીતે કરી છીએ અને ઘણા કિસ્સામાં તમારા સેટિંગ્સ પર આધારિત છે:

• તમે કાઢી નાખો ત્યાં સુધી અમારા દ્વારા જાળવી રાખવામાં આવતી માહિતી: અમારી કેટલીક સેવા તમને તમારા એકાઉન્ટમાં સંગ્રહિત વ્યક્તિગત ડેટા કાઢી નાખવાની મંજૂરી આપે છે. ઉદાહરણ તરીકે, તમે તમારી ChatGPT વાતચીતમાંથી ચોક્કસ અથવા બધી કાઢી શકો છો, ચોક્કસ યાદો⁠(નવી વિન્ડોમાં ખૂલે છે) કાઢી શકો છો અથવા તમારું એકાઉન્ટ કાઢી શકો છો. એકવાર તમે વ્યક્તિગત ડેટા કાઢી નાખવાનું પસંદ કરો અમે તેને અમારી સિસ્ટમમાંથી 30 દિવસની અંદર દૂર કરીશું, જો કે અમારે તેને નીચે વર્ણવ્યા મુજબ વધુ સમય માટે જાળવી રાખવાની જરૂર હોય અથવા જ્યારે તમે અમને તમારા કન્ટેન્ટનો ઉપયોગ કરીને અમારા મોડલને સુધારવા⁠(નવી વિન્ડોમાં ખૂલે છે) માટે મંજૂરી આપો ત્યારે તે પહેલેથી જ બિન-ઓળખાય તે રીતે બનાવવામાં આવ્યું હોય અને તમારા એકાઉન્ટથી અલગ કરવામાં આવ્યું હોય. 

• અમે આપમેળે કાઢી નાખીશું તેવી માહિતી: કેટલાક કિસ્સામાં, વ્યક્તિગત ડેટા આપમેળે કાઢી નાખવામાં આવશે. ઉદાહરણ તરીકે, અસ્થાયી ચૅટ્સ⁠(નવી વિન્ડોમાં ખૂલે છે) 30 દિવસની અંદર આપમેળે કાઢી નાખવામાં આવશે (નીચે વર્ણવ્યું છે તે મુજબ, જ્યાં સુધી સુરક્ષા અથવા કાનૂની કારણોસર અમારે તેને જાળવી રાખવાની જરૂર ન હોય).

• કાયદેસર સુરક્ષા, સલામતી અથવા કાનૂની કારણોસર અમે વધુ સમય માટે જાળવી રાખીએ તેવી માહિતી: કેટલાક કિસ્સામાં, તમે તેને કાઢી નાખ્યા પછી પણ અમારે વ્યક્તિગત ડેટા વધુ સમય માટે જાળવી રાખવાની જરૂર પડે છે, ઉદાહરણ તરીકે, કારણ કે અમારે કાનૂની રીતે આવું કરવું જરૂરી છે, છેતરપિંડી અને દુરુપયોગને સંબોધવા માટે, સુરક્ષા કારણોસર, અથવા નાણાકીય રેકોર્ડ-કીપિંગ હેતુઓ માટે. ઉદાહરણ તરીકે:

  • જો ચોક્કસ કન્ટેન્ટ અથવા તમારું એકાઉન્ટ, અમારી ઉપયોગ નીતિના⁠ ઉલ્લંઘનને કારણે પ્રતિબંધિત થાય તો અમે છેતરપિંડી, દુરુપયોગ, અથવા અમારી નીતિના અન્ય ઉલ્લંઘનોથી અમારી સેવાને સુરક્ષિત રાખવા માટે તે ડેટા જાળવી રાખી શકીએ છીએ;

  • જો અમને કાનૂની રીતે તમારો ડેટા જાળવી રાખવો જરૂરી હોય (ઉદાહરણ તરીકે અમને કાનૂની સબપોઇના પ્રાપ્ત થાય) તો અમે સંબંધિત કાનૂની અથવા નિયમનકારી જવાબદારીની અવધિ માટે તેને જાળવી રાખી શકીએ છીએ;

  • જ્યારે અમે નાણાકીય વ્યવહારમાં પક્ષકાર હોઈએ છીએ (ઉદાહરણ તરીકે, જ્યારે અમે ChatGPT Plus અથવા પ્રો એકાઉન્ટ માટે તમારી ચુકવણી પ્રોસેસ કરીએ છીએ, અથવા ChatGPT પર ખરીદી સુગમ બનાવીએ છીએ) ત્યારે અમે અમારા હિસાબી, વિવાદ નિવારણ, અને નિયમનકારી પાલન હેતુ માટે ચુકવણી અને વ્યવહાર સંબંધિત માહિતી જાળવી રાખી શકીએ છીએ;

  • જ્યારે તમે અમને તમારો વ્યક્તિગત ડેટા કાઢી નાખવા માટે કહો છો ત્યારે અમે વિનંતીનું પાલન કર્યું છે તે ચકાસી શકીએ તે માટે કાઢી નાખવાની વિનંતીનો ઑડિટ રેકોર્ડ જાળવી રાખીએ છીએ.

આ જાળવણી સમયગાળા નક્કી કરતી વખતે અમે કેટલાંક પરિબળો ધ્યાનમાં લઈએ છીએ, જેમ કે: 

• વ્યક્તિગત ડેટા પર પ્રક્રિયા કરવાનો અમારો હેતુ (જેમ કે શું અમારે અમારી સેવા પૂરી પાડવા માટે તેને જાળવી રાખવાની જરૂર છે);

• માહિતીના પ્રમાણ પ્રકૃતિ અને સંવેદનશીલતા;

• અનધિકૃત ઉપયોગ અથવા જાહેર કરવાથી નુકસાન થવાનું સંભવિત જોખમ હોય;

• કોઈપણ કાનૂની આવશ્યકતા કે જેના માટે અમે જવાબદાર છીએ.

અમારી સેવા તમને તમારા વ્યક્તિગત ડેટા અને તેનો ઉપયોગ તથા તેની જાળવણી કેવી રીતે થાય છે તે અંગે અનેક નિયંત્રણો પૂરા પાડે છે. તમે હંમેશા તમારા એકાઉન્ટમાં આ સેટિંગ્સ બદલી શકો છો. આ પૈકી નીચેના નિયંત્રણોનો સમાવેશ થાય છે:

• તમે સરળતાપૂર્વક પસંદ કરી શકો છો કે તમારા કન્ટેન્ટનો ઉપયોગ અમારા મોડલ્સને સુધારવા તથા તાલીમ આપવા માટે થઈ શકે છે કે નહીં⁠(નવી વિન્ડોમાં ખૂલે છે).

• તમે એ બાબત નક્કી કરી શકો છો કે સામગ્રીને વધારે વ્યક્તિગત અને સંબંધિત બનાવવા અમે ચેટ્સ વચ્ચે વિગતો યાદ રાખીશું કે નહીં.

• તમે તમારા એકાઉન્ટના ડેટા નિયંત્રણોમાં તમારો ChatGPT ઇતિહાસ અને ડેટા નિકાસ કરી શકો છો⁠(નવી વિન્ડોમાં ખૂલે છે).

• તમે ChatGPTમાં ચૅટને ડિલીટ કરી શકો છો અથવા આર્કાઇવ કરી શકો છો અથવા સંપૂર્ણપણે તમારું એકાઉન્ટ ડિલીટ કરી શકો છો⁠(નવી વિન્ડોમાં ખૂલે છે).

• જો તમે ChatGPT માં ટેમ્પરરી ચેટ⁠(નવી વિન્ડોમાં ખૂલે છે) સક્રિય કરો છો તો ChatGPT સાથેની તે વાતચીતો તમારા ઇતિહાસમાં દેખાશે નહીં અને OpenAI મોડલ્સને સુધારવા માટે ઉપયોગમાં લેવામાં આવશે નહીં.

• લાગુ થવાપાત્ર કાયદાના આધારે તમે અમારી સેવાનો ઉપયોગ કરતી વખતે કઈ કૂકીઝનો ઉપયોગ કરવો તે પસંદ કરી શકો છો.

• Free અને Go વપરાશકર્તાઓ અમારી સેવાઓ પર અમે તમને બતાવીએ છીએ તે જાહેરાતોને વ્યક્તિગત બનાવવા માટે અમે કયા ડેટાનો ઉપયોગ કરીએ છીએ તે નિયંત્રિત કરવા એકાઉન્ટ સેટિંગ્સમાં રહેલા જાહેરાત નિયંત્રણોનો ઉપયોગ કરી શકે છે. 

• તમે તે કોમ્યુનિકેશનમાં આપવામાં આવેલા વિકલ્પોનો યોગ્ય ઉપયોગ કરી અમારી તરફથી તમને પ્રાપ્ત થતા માર્કેટિંગ કોમ્યુનિકેશનમાંથી અનસબ્સ્ક્રાઇબ કરી શકો છો.

તમે ડેટા નિયંત્રણો વિશે વધુ માહિતી અહીં⁠(નવી વિન્ડોમાં ખૂલે છે) અને privacy@openai.com પર સંપર્ક કરીને મેળવી શકો છો

તમારા વ્યક્તિગત ડેટા સંબંધિત તમારા કાયદેસરના અધિકારો નીચે મુજબ છે:

• તમારો વ્યક્તિગત ડેટા અને તેની પ્રક્રિયા કેવી રીતે થાય છે તેને લગતી માહિતીનો ઍક્સેસ મેળવો.

• અમારા રેકોર્ડમાંથી તમારો વ્યક્તિગત ડેટા કાઢી નાખો.

• તમારા વ્યક્તિગત ડેટામાં સુધારો કરો અથવા અપડેટ કરો.

• તમારો વ્યક્તિગત ડેટા ત્રીજા પક્ષને ટ્રાન્સફર કરો (ડેટા પોર્ટેબિલિટીનો અધિકાર).

• અમે તમારા વ્યક્તિગત ડેટા પર કેવી રીતે પ્રક્રિયા કરી છીએ તે પ્રતિબંધિત કરો.

• તમારી સંમતિ પાછી ખેંચો—જ્યાં અમે પ્રક્રિયા માટે કાનૂની આધાર તરીકે સંમતિ પર આધાર રાખી છીએ.

• તમારી સ્થાનિક ડેટા પ્રોટેક્શન ઓથોરિટી (સત્તામંડળ) સમક્ષ તમે ફરિયાદ નોંધાવી શકો છો (નીચે જુઓ)

તમારા વાંધા ઉઠાવવાના અધિકારો નીચે મુજબ છે:

• સીધા માર્કેટિંગ માટે તમારા વ્યક્તિગત ડેટાની અમારી પ્રક્રિયાનો વિરોધ કરો.

• જ્યારે તમારા વ્યક્તિગત ડેટાની પ્રક્રિયા કાયદેસરના હિતો પર આધારિત હોય, ત્યારે તમે તેના પર વાંધો ઉઠાવી શકો છો.

તમે તમારા OpenAI એકાઉન્ટ દ્વારા ડેટા કંટ્રોલ્સ વિભાગમાં વર્ણન કરેલા ટૂલ્સનો ઉપયોગ કરીને આમાંથી કેટલાક અધિકારોનો ઉપયોગ કરી શકો છો. જો તમે તમારા એકાઉન્ટ દ્વારા તમારા અધિકારોનો ઉપયોગ ન કરી શકો, તો કૃપા કરીને તમારી વિનંતી privacy.openai.com⁠(નવી વિન્ડોમાં ખૂલે છે) દ્વારા સબમિટ કરો અથવા તેને dsar@openai.com⁠ પર મોકલો. તમારા વ્યક્તિગત ડેટાની અમારી પ્રક્રિયા અંગે તમને કોઈ અન્ય ચિંતાઓ હોય, તો તમે અમને privacy@openai.com પર લખી શકો છો.

અમને આશા છે કે અમે તમારા બધા સવાલો કે ચિંતાઓનો જવાબ આપી શકીશું. જો અમારી કે અમારા ડેટા પ્રોટેક્શન ઓફિસર સાથેની તમારી ફરિયાદોનો ઉકેલ ન આવ્યો હોય તો:

• જો તમે યુરોપિયન આર્થિક ક્ષેત્રમાં રહેતા હો, તો તમે અમારી મુખ્ય સુપરવાઇઝરી ઓથોરિટી તરીકે આઇરિશ ડેટા પ્રોટેક્શન કમિશન⁠(નવી વિન્ડોમાં ખૂલે છે) નો અથવા તમારા સ્થાનિક સુપરવાઇઝરી ઓથોરિટી⁠(નવી વિન્ડોમાં ખૂલે છે)નો સંપર્ક કરી શકો છો;

• જો તમે યુકેમાં રહેતા હોવ, તો તમે ઇન્ફોર્મેશન કમિશનરની ઓફિસ⁠(નવી વિન્ડોમાં ખૂલે છે)નો સંપર્ક કરી શકો છો.

• જો તમે સ્વિટ્ઝર્લેન્ડમાં રહેતા હોવ, તો તમે ફેડરલ ડેટા પ્રોટેક્શન અને માહિતી કમિશનર⁠(નવી વિન્ડોમાં ખૂલે છે)નો સંપર્ક કરી શકો છો.

ચોકસાઈ વિશે નોંધ: ChatGPT જેવી સેવાઓ વપરાશકર્તાની વિનંતીને વાંચીને અને તેના જવાબમાં, તેના પછી કયા શબ્દો આવવાની સૌથી વધુ શક્યતા છે તેની આગાહી કરીને પ્રતિભાવો જનરેટ કરે છે. કેટલાક કિસ્સાઓમાં, જે શબ્દો આવવાની સૌથી વધુ શક્યતા હોય છે, તે કદાચ હકીકતની દૃષ્ટિએ સૌથી વધુ સચોટ ન પણ હોય. આ કારણ માટે તમારે અમારા કેટલાક મોડેલ પૈકી મળતા આઉટપુટની ખરા અર્થમાં ચોકસાઈ પર આધાર રાખવો જોઈએ નહીં.

જો તમને જણાય કે ChatGPT ના આઉટપુટમાં તમારા વિશે તથ્યાત્મક રીતે અચોક્કસ માહિતી છે અને તમે તે માહિતીને સુધારવા અથવા દૂર કરવાની વિનંતી કરવા માંગતા હોવ, તો તમે આ વિનંતીઓ privacy.openai.com દ્વારા અથવા dsar@openai.com પર સબમિટ કરી શકો છો, અને લાગુ થવા યોગ્ય કાયદા અને અમારાં મોડલોની ટેક્નિકલ ક્ષમતાના આધારે અમે તમારી વિનંતીને ધ્યાનમાં લઈશું.

અમારા મોડેલોને તાલીમ આપવા માટે ઇન્ટરનેટ પરથી એકત્રિત કરેલા ડેટા સંબંધિત તમારા અધિકારોનો ઉપયોગ કેવી રીતે કરવો તેની માહિતી માટે, કૃપા કરીને આ નોટિસ⁠(નવી વિન્ડોમાં ખૂલે છે) જુઓ.

અમારી સેવા 13 વર્ષથી ઓછી ઉંમર ધરાવતા બાળકો માટે દર્શાવેલ નથી અને તેમના માટે બનાવાયેલ નથી.  અમે જાણી જોઈને 13 વર્ષથી ઓછી ઉંમર ધરાવતા બાળકો પાસેથી વ્યક્તિગત ડેટા એકત્રિત કરતા નથી. જો તમારી પાસે એવું માનવા માટે કોઈ કારણ હોય કે 13 વર્ષ કરતાં ઓછી ઉંમરના બાળકે આ સેવા મારફત OpenAI ને વ્યક્તિગત ડેટા આપ્યો છે તો કૃપા કરી અમને privacy@openai.com પર ઇમેઇલ કરો. અમે કોઈપણ નોટિફિકેશનની તપાસ કરશું અને જો યોગ્ય જણાય તો અમારી સિસ્ટમમાંથી વ્યક્તિગત ડેટાને દૂર કરી નાખશું. 18 વર્ષથી ઓછી ઉંમરના વપરાશકર્તાએ અમારી સેવાનો ઉપયોગ કરવા માટે તેમના માતાપિતા અથવા વાલીની પરવાનગી મેળવવી ખૂબ જરૂરી છે. વધુ જાણકારી⁠(નવી વિન્ડોમાં ખૂલે છે) મેળવો કે કિશોરો અને માતા-પિતા અથવા વાલી તેમના એકાઉન્ટ્સને લિંક કરવાનું કેવી રીતે પસંદ કરી શકે તે વિશે.

અમે વ્યક્તિગત ડેટાને ગુમાવવાથી, દુરુપયોગથી અને બિનઅધિકૃત ઍક્સેસ, જાહેર કરવું, ફેરફાર અથવા નાશ થવાથી સુરક્ષિત રાખવા માટે વ્યાપારી રીતે વાજબી ટેકનિકલ, વહીવટી અને સંસ્થાકીય પગલાં અમલમાં મૂકીએ છીએ. અલબત કોઈપણ ઈન્ટરનેટ અથવા ઈમેલ ટ્રાન્સમિશન ક્યારેય સંપૂર્ણપણે સુરક્ષિત અથવા ખામીથી મુક્ત નથી. માટે સર્વિસીસને તમે કઈ માહિતી પૂરી પાડો છો તે નક્કી કરતી વખતે તમારે ખાસ કાળજી રાખવી જોઈએ. આ ઉપરાંત અમે સેવા અથવા ત્રીજા પક્ષની વેબસાઇટ પર સમાવેશ ધરાવતી ગુપ્ત સેટિંગ્સ અથવા સુરક્ષા પગલાંની છેતરપિંડી માટે જવાબદાર ધરાવતા નથી.

અમે જે વ્યક્તિગત ડેટાની પ્રક્રિયા કરીએ છીએ, જે હેતુઓ માટે અમે તેની પ્રક્રિયા કરીએ છીએ અને અમે જે કાનૂની આધારો પર આધાર રાખીએ છીએ, તે તમે અમારી સેવાઓનો કેવી રીતે ઉપયોગ કરો છો, તમે પસંદ કરેલી સુવિધાઓ અને સેટિંગ્સ અને પ્રક્રિયા કરવાની પરિસ્થિતિઓ પર આધાર રાખે છે. નીચેનું કોષ્ટક આ હેતુઓ, તેમાં સામેલ વ્યક્તિગત ડેટાની શ્રેણીઓ અને લાગુ પડતા કાનૂની આધારો વિશે વધુ માહિતી પ્રદાન કરે છે.

કેટલાક સંજોગોમાં, અમે ચોક્કસ હેતુ માટે વ્યક્તિગત ડેટા પર પ્રક્રિયા કરવા તમારી સંમતિ માંગી શકીએ છીએ. જ્યાં અમે સંમતિ પર આધાર રાખીએ છીએ, ત્યાં તમે કોઈપણ સમયે તમારી સંમતિ પાછી ખેંચી શકો છો.

આ નીતિમાં વર્ણવેલા હેતુઓ મુજબ, OpenAI તમારા વ્યક્તિગત ડેટાની પ્રક્રિયા EEA, સ્વિટ્ઝર્લૅન્ડ અને યુકેની બહાર સ્થિત સર્વરો પર કરે છે. તમારા વ્યક્તિગત ડેટાની પ્રક્રિયા અને સંગ્રહ યુનાઇટેડ સ્ટેટ્સમાં અથવા અમારા આનુષંગિકો, ભાગીદારો, વેન્ડર્સ અથવા સર્વિસ પ્રોવાઇડર્સ સ્થિત હોય તેવા દેશો કે પ્રદેશોમાંની અમારી સુવિધાઓ અને સર્વરોમાં કરવામાં આવે છે. જોકે દરેક દેશના ડેટા સુરક્ષા કાયદા અલગ-અલગ હોય છે અને આ દેશો તમારા વતન જેટલું સુરક્ષા સ્તર ન આપી શકે, છતાં અમે તમારા અંગત ડેટાની પ્રક્રિયા ક્યાં થાય છે તે ધ્યાનમાં લીધા વિના, આ નીતિમાં વર્ણવેલ સુરક્ષા પ્રણાલીઓ લાગુ કરીએ છીએ જ્યારે અમે EEA, સ્વિટ્ઝર્લૅન્ડ અથવા યુ.કે.ની બહાર વ્યક્તિગત ડેટા ટ્રાન્સફર કરીએ છીએ, ત્યારે લાગુ પડતા ડેટા સંરક્ષણ કાયદાનું પાલન કરવા માટે અમે માન્ય ટ્રાન્સફર મિકેનિઝમ્સનો સહારો લઈએ છીએ, જેમ કે:

• તમારા વ્યક્તિગત ડેટાને એવા કોઈપણ દેશમાં ટ્રાન્સફર કરતી વખતે, જેને પૂરતું સુરક્ષા સ્તર પ્રદાન કરતું માનવામાં આવ્યું છે, અમે યુરોપિયન કમિશનના પર્યાપ્તતા નિર્ણયો⁠(નવી વિન્ડોમાં ખૂલે છે) અને યુકે સેક્રેટરી ઑફ સ્ટેટના પર્યાપ્તતા નિયમો, EU અને UK GDPR ની કલમ 45(1) (“GDPR”) અનુસાર આધાર રાખીએ છીએ.

• અન્ય અધિકારક્ષેત્રો માટે, અમે GDPR ની કલમ 46(2)(c) મુજબ યુરોપિયન કમિશન દ્વારા મંજૂર કરાયેલ સ્ટાન્ડર્ડ કરારની કલમો (“SCCs”) તેમજ SCCs માટેના યુ.કે. ઇન્ટરનેશનલ ડેટા ટ્રાન્સફર એડેન્ડમ પર આધાર રાખીએ છીએ.

વ્યક્તિગત ડેટા ટ્રાન્સફર કરતી વખતે અમે જે યોગ્ય સુરક્ષા વ્યવસ્થા રાખી છે, તે વિશે વધુ માહિતી મેળવવા અથવા તેની નકલ મેળવવા માટે, કૃપા કરીને privacy@openai.com પર અમારો સંપર્ક કરો.

અમે સમયાંતરે આ નીતિને અપડેટ કરી શકીએ છીએ. જયારે અમે આ પ્રમાણે કરીશું ત્યારે અમે અપડેટ કરેલી આવૃત્તિ અને અમલની તારીખ આ પેજ પર પ્રકાશિત કરીશું, અલબત અમલી થવા યોગ્ય કાયદા પ્રમાણે અન્ય પ્રકારની નોટિસને લઈ આ જરૂરી છે.

જો તમે યુરોપિયન ઇકોનોમિક એરિયા (EEA) અથવા સ્વિટ્ઝર્લેન્ડમાં રહો છો તો OpenAI Ireland Limited, તેની નોંધાયેલી ઓફિસ 1લી ફ્લોર, ધ લીફી ટ્રસ્ટ સેન્ટર, 117-126 શેરિફ સ્ટ્રીટ અપર, ડબલિન 1, ડી01 વાયસી43, આયરલેન્ડ ખાતે છે તે નિયંત્રક છે અને આ નીતિમાં વર્ણવ્યા મુજબ તમારા વ્યક્તિગત ડેટાની પ્રક્રિયા માટે જવાબદાર છે.

જો તમે યુનાઇટેડ સ્ટેટ્સ સિવાયના અન્ય કોઈ પણ સ્થળે રહેતા હો, તો OpenAI OpCo, LLC, જે 1455 થર્ડ સ્ટ્રીટ, સાન ફ્રાન્સિસ્કો, કેલિફોર્નિયા 94158, અમેરિકા ખાતે તેની નોંધાયેલી ઓફિસ ધરાવે છે, તે ડેટા નિયંત્રક છે અને આ નીતિમાં વર્ણવ્યા મુજબ તમારા વ્યક્તિગત ડેટાની પ્રક્રિયા કરવા માટે જવાબદાર કંપની છે.

જો આ નીતિમાં તમારા પ્રશ્નો કે ચિંતાઓનો સમાવેશ ન થયો હોય, તો કૃપા કરીને સપોર્ટનો સંપર્ક કરો⁠(નવી વિન્ડોમાં ખૂલે છે). વૈકલ્પિક રીતે, તમે અમને privacy@openai.com પર અથવા ઉપર વિભાગ 12 (ડેટા કંટ્રોલર) હેઠળ જણાવેલ સરનામે પણ લેખિતમાં મોકલી શકો છો.

તમે વ્યક્તિગત ડેટાની પ્રક્રિયા સંબંધિત બાબતો માટે અમારા ડેટા પ્રોટેક્શન ઓફિસરનો સંપર્ક dpo@openai.com પર કરી શકો છો.

મોડેલનું પ્રદર્શન સુધારવા માટે તમારા ડેટાનો ઉપયોગ કેવી રીતે થાય છે⁠(નવી વિન્ડોમાં ખૂલે છે)

ડેટા નિયંત્રણોની પ્રશ્નોત્તરી⁠(નવી વિન્ડોમાં ખૂલે છે)

પ્રાઇવસી પોર્ટલ⁠(નવી વિન્ડોમાં ખૂલે છે)

મેમરી વિશે વારંવાર પૂછાતા પ્રશ્નો⁠(નવી વિન્ડોમાં ખૂલે છે)

વૉઇસ મોડ વિશેના વારંવાર પૂછાતા પ્રશ્નો⁠(નવી વિન્ડોમાં ખૂલે છે)

આરોગ્ય સંબંધિ ગોપનીયતા નોટિસ⁠